Тамоми мардуми  Ҷумҳурии Тоҷикистони соҳибистиқлол талош доранд, ки дар устуворӣ ва таҳкими  истиқлолияти давлатӣ ҳарчӣ бештар  саҳм гузоранд.  Аммо баъзе нохалафони чунин пешравӣ  ва шукуфоии мамлакати азизамонро дида наметавонанд ва кӯшиш ба харҷ  доранд, ки онҳо халалдор  созанд.

Як қисмат шаҳрвандони кишвар дар хориҷа бо роҳбарии хоҷагони зархариди худ намехоҳанд Тоҷикистони  биҳиштосо рӯй ба беҳбудӣ орад. 

Ҳоло Тоҷикистон бо сарварии Асосгузори сулҳу ваҳдати миллӣ- Пешвои миллат, Президенти кишвар муҳтарам Эмомалӣ Раҳмон  ободу орому осуда шудааст, мардумаш рӯ ба ҳаёти осоишта оварданд. Чанд сол қабл ҳатто тассавур намекардем, ки  дар давлати ҷангзадаи мо ин қадар роҳҳо, корхонаҳои бузурги саноатӣ, иншооти иҷтимоӣ, мактабҳо бунёд карда шаванд.

Имрӯз мо бояд дарк кунем, ки мубориза бо ин хиёнаткорони  Ватан танҳо вазифаи мақомоти амният ва тартиботи ҳуқуқ нест ва бояд тамоми шаҳрвандон алайҳи  ин иқдоми ноҷавонмардона садо баланд кунанд. Мо ин қувваҳоро бояд содда нагирем. Тори риштаи ин найрангбозон дар дасти хориҷиёне ҳастанд, ки оромии кишвари моро  намехоҳанд. Бо маблағҳои калон ҷавононро дар роҳи хиёнаткорӣ равона сохта, кӯшиш медиҳанд, ки  мардуми моро бар зидди худамон истифода баранд.

Биёед дасти ҳамдигар бигирему барои ҳифзи Ватан аз ин дасиссабозон устувор биистем. Ҳифзи марзу буми кишвар, сулҳу суббот ин ҳама давлату боигарии Тоҷикистон дар дасти ҷавонон буда, вазифаи онҳост нигоҳ доштани ин ҳама муқадасоти меҳан аст. Вагарна ин нохалафон аз хориҷа истода ба обрӯи мо латма мезананд ва майдонро холӣ дида, борони дуруғу тӯҳматро ба сари мо хоҳанд рехт.

Нашр шуд: 12 июни 2023

Дида шуд: 605 маротиба

Сухане чанд оид ба дастоварҳои кафедраи меъморӣ

Ҳанӯз соли 2004 бо ибтикори собиқ Раиси вилояти Суғд, Қосимов Қ.Р., дар филиали Хуҷандии ДТТ ба номи ак. М.С.Осимӣ таълими ихтисоси меъморӣ, бо ташкили кафедраи «Меъморӣ ва графикаи муҳандисӣ» оғоз гардидааст. Поягузори ин самт номзади меъморӣ, рӯҳашон шод бод Ҳакимов Ҳамид (1932-2011) вобаста мебошад.

Баъдан ихтисоси меъморӣ дар ҳайъати кафедраҳои сохтмон (2012-2016), дизайн ва меъморӣ (2016-2021) ва мустақил аз соли 2022 инҷониб амал карда истодааст. Тӯли солҳои фаъолияти худ кафедра дар тарбияи лоиҳакашони биноҳои шаҳрвандӣ ва муҳити шаҳрсозӣ саҳими бориз гузошта, беш аз 300 нафар меъморон-дастпарварони кафедра дар истеҳсолот бомуваффақият фаъолият намуда истодаанд.

Аз ҷумла, Бобоҷонов Шаҳриёр (сармеъмори ноҳияи Б.Ғафуров), Амонов Муқим (сармеъмори ноҳияи Мастчоҳ), Нодиров Феҳраст (сармеъмори шаҳри Бӯстон), Сангинов Мақсудҷон (мушовири раиси вилоят оид ба масъалаҳои сохтмон ва меъморӣ), Ҳикматов Абдураҳим (сармеъмори шаҳри Хуҷанд), Набиев Валиҷон (сармеъмори ноҳияи Ғончӣ), Раҳимова Дилноза (сармеъмори ноҳияи Шаҳристон), Бобоева Нодира (Директори ҶДММ «Бунёдгари Суғдзамин», Қозиев Муҳаммадносир-сармеъмори ҳамин муассиса, берун аз қаламрави вилоят Маҳмудов Мирзодаврон (сармеъмори ҶДММ «Сомон», ш. Душанбе), Ҳайдаров Умар (сармеъмори ҶС «Афшин», ш. Бохтар) ва даҳҳо нафари дигарро метавон ном бурд, ки дар муаллифӣ ва татбиқи лоиҳаҳои созандагию ободкории ҳар гӯшаи Ватан саҳми худро гузошта истодаанд.

Пас мо устодон чаро ифтихор аз дастпарварони худ накунем? Бо мақсади дар сатҳи байналмиллалӣ омода сохтани меъморони ба талаботи лоиҳакашии рақамӣ рақобатпазир бо донишгоҳҳо ва донишкадаҳои хориҷи кишвар (Самарқанд, Тошкент, Бишкек, Москва ва монанди онҳо) ва ҷумҳуриявӣ алоқаи зич дар тайёр намудани кадрҳои илмӣ-меъморӣ,  гузаронидани конфронсҳои илмӣ дар мавзӯҳои рузмарра ва ҳамҷоя навиштани монографияҳои илмӣ ҷараён дорад.

Бо мақсади дар сатҳи баланд гузаронидани машғулиятҳои назариявию амалии меъморӣ солҳои охир таҳия намудани адабиётҳои таълимӣ бо забони давлатӣ анъана гардидааст. Ин иқдом албатта дар сатҳу сифати савияи касбии хатмкунандагони ихтисоси меъморӣ хело мусоидат менамояд.

Юсуфов Ф.Ғ., устоди кафедраи меъморӣ,  аъзои Иттифоқи меъморони собиқ ИҶШС, Ҷумҳурии Тоҷтикистон

Нашр шуд: 12 июни 2023

Дида шуд: 637 маротиба

Барномаи ҷадиди “Минбари муҳоҷир”, ки ба “тоҷикбадбини” –и русҳо бахшида шудааст, аз ҷониби ровӣ Муҳаммадиқболи Садриддин комилан яктарафа баҳогузорӣ карда шудааст. Ба он хотир, ки дар кишвари Русия беш аз 2 миллион тоҷикон бо мақсади кор, хондан ё тариқи Русия ба дигар ҷо сафар кардан сукунат доранд. Агар русҳо тоҷикбадбин мебуданд, муҳоҷиринро намегузоштанд, ки кор кунад ва ё зиндагӣ кунанд. Ин носипосон аз паши фил месозанд.

Мо ҳеҷ гоҳ барои ин нохалафон майдонро холӣ нахоҳем гузошт, зеро мо аз дасти чунин “ҳимоятгарон” ранҷ дидаву озурдаҳол гардидаем. Дар ҳамин ради вазифаи ҷоноҷони ҳар кадоми аз шаҳрвандони баору номуси миллат онаст, ки ҷавонон бояд ҳушёрии сиёсиро аз даст надиҳанд. Ин масъалаи шомилшавии ҷавонон ба чунини гурӯҳҳо муаммои доғи рӯз буда, он бевосита ба мавқеъ ва мақоми насли калонсол, ба зиёиён, омўзгорон ва фаъолони маҳаллаҳо низ вобастагии қавӣ дорад. Дар охир бо боварии том гуфта метавонам, ки дар оянда низ ҷомеаи киишвари мо, мардуми шуҷову меҳандӯстимо, ки аз душвориҳои таъриху солҳои душвори навадум гузашта барои осоиштагӣ, ваҳдату ягонагӣ дар кишвар ҷасорату мардонагӣ нишон медиҳад ва ба рағми бадхоҳону носипосон оштинопазирона мубориза хоҳанд бурд.

Нашр шуд: 12 июни 2023

Дида шуд: 229 маротиба

 Ваҳдату ягонагӣ ва ҳамдилӣ  ба инкишофи ҳамаи бахшҳои хоҷагии халқ мусоидат менамояд, то бемайлон рушд намоянд. Хотима гузоштан ба ҷанги бемаънии бародаркӯш дар кишвар, ки солхои 1992-1997 ба вуқуъ пайваст ва бахшидани якдигар гурӯҳҳои ба ҳам сангар гирифта, баргардонидани гурезаҳои иҷборӣ ва оғоз намудани татбиқи аввалин стратегияҳои миллӣ, ки мардум ба он бештар эҳтиёҷ дошт, аз мақсадҳои мубрами Ваҳдати Миллӣ ба ҳисоб меравад.

Ваҳдати миллии мо миёни ихтилофҳои дохилию хориҷии кишварҳои чаҳон назир надорад. Муваффақ гардидан ба он низ барои Ҳукумати Ҷумҳурии Тоҷикистон сахлу содда набуд. Ташкили даҳҳо гуфтушуниду ҳамоишҳо бо гурӯҳҳои мухолифин, ки аз ҷониби кишварҳои хавасманди хориҷӣ дастгирии моддию маънавӣ мешуданд, дар минтақаҳои мураккабу хатарзо (Афғонистон, Эрон, Русия, Қазоқистон) давоми солҳои 1993-1997 марҳила ба марҳила ниёзҳои ҷониби мухолифро тавонист ба ҳам наздик ва ниҳояти кор ба Оштии миллӣ оварда расонад.

Боиси хушнудист, ки ин марҳилаҳои пурпечутобро сабру шикебоӣ ва таҳаммулу гузаштҳо миёни ҳам муваффақ намуд. Имрӯз ин дастоварди муқаддас, ки калиди ҳамаи пешрафтҳои Ҷумҳурии азизамон-Тоҷикистон мебошад, дарсе гардид барои таваҷҷӯҳ ва омӯзиши кишварҳое, ки дар онҳо ихтилофҳои сиёсӣ чараён доранд.

Вазифаи мо, хар як сокини Ҷумҳурии Тоҷикистон имрӯз аз он иборат мебошад, ки ин гавҳари ноёб-Ваҳдати миллиро ҳифз намоем. Сиёсати пешгирифтаи Сарвари давлатамон, Асосгузори сулҳу Ваҳдати миллӣ, муҳтарам Эмомалӣ Раҳмонро ҳамаҷониба дастгирӣ намуда, дар пешрафти гулгулшукуфии Ватанамон, ки дар пешорӯи 35 - солагии Истиқлолияти давлатии худ қадамҳои устуворро мегузорад, дастгирӣ намоем.

Юсуфов Ф.Ғ., устоди кафедраи меъмории ДПДТТ дар шаҳри Хуҷанд

Нашр шуд: 12 июни 2023

Дида шуд: 236 маротиба

Рӯзҳои охир дар шабакаҳои иҷтимоӣ навору гузоришҳое паҳн карда мешавад, ки гӯиё ҳуқуқу манфиатҳои муҳоҷирин аз ҷониби Хадамотҳои қудратии Русия поймол карда мешавад. Аммо он нафароне, ки имрӯз дар Федератсияи  Русия, хосса дар шаҳри Маскав қарор доранд. Иқрор шуданд, ки ягон хел муносибати ноодамона надоранд. Он амалҳое, ки мешавад, худи мо ба он гунаҳкорем. Зеро қонунҳои он давлатро сарфи назар мекунем. Кӯшиш мекунем, ки бо ҳар баҳона мусалмон будани худро зоҳиран намоиш диҳем. Яъне риши дароз мемонем. Дар кӯчаҳо ба намояндагони дигар мазҳаб ангушти надомат нишон медиҳем. Магар бо чунин амаламон ба мардуми таҳҷоӣ хуш меоем,  не албатта. Барои ин моро мебояд, ки аввал забон омӯзем, баъд ҳунар он вақт дар ягон ҷо хору залил нахоҳем шуд.

Нашр шуд: 12 июни 2023

Дида шуд: 621 маротиба

Ватан меҳрат ба дил дар сина ҷо шуд ,

Ба гулзори чаманҳо  чу ғунча во шуд .

Ватан бурборию фирузии мост ,

Ватан хушнудию пирузии мост. 

        Ваҳдат ин  якдилӣ ва ягонагӣ буда яке аз омилҳои осоиш, пешрафти ҷомеа ба ҳисоб  меравад . Ин омил орзую омоли кулли халқҳои олам аст. Ваҳдати миллӣ ҳамчун омили муттаҳидсозандаи тамоми мардуми Тоҷикистон шароит фароҳам овард. Истиқрори сулҳу субот ва Ваҳдати миллӣ , дастоварди бузург дар таърихӣ мардуми Тоҷикистон  мебошад.

    Баъди гуфтушунидҳои тулонӣ 27-уми июни соли 1997 “Созишномаи  умумии истиқрори сулҳ “ дар шаҳри Маскав ба имзо расид, гарчанде ин ба осонӣ ба даст наомадааст. Ин сулҳ боварии даҳҳо ҳазор ҳамватанони бегуноҳ, занону кудакон пиронсолону ҷавонон ки маҷбур тарки Ватан карда буданд  бори дигар ба зиндаги и шарафманд умедвор сохт . Сулҳ ба даст омад ин натиҷаи заҳматҳои зиёди шабонарузии сулҳофарини миллати тоҷик ва иродаи неки фарзанди фарзонаи миллат Асосгузори сулҳу Ваҳдати миллӣ Пешвои миллат муҳтарам Эмомалӣ Раҳмон мебошад.

Беҳуда нагуфтаанд, ки :

 Аз ноумедиҳо басо умед аст ,

Поёни шаби сиёҳ сафед аст.

    Бинобар ин моро лозим аст , ки ин неъматҳои бебаҳо ва муққадас –ваҳдати миллиро пос нигоҳ дорем, ба қадри он расем ва ҷавонони ватандусту ватанпарварро тарбия намоем, ки дар оянда ин муқаддасотро ҳифзу эҳтиром  намоянд.

   Мо бояд ба қадри сулҳу суботи кишварамон бирасем  ва ҳамчунин дар ҳифзи истиқлолият саҳми муносибе гузошта, арзишҳои сулҳу ваҳдати миллиро ҳифз  намоем.

Мафтуна Қудузова

Нашр шуд: 12 июни 2023

Дида шуд: 506 маротиба

Сулҳу осоиштагӣ, фазои софу беғубор, хандаҳои беғаши кӯдакон, таҳсили бемамониаи наврасону ҷавонон, озодии кулл дар ҷомеа беҳтарин неъмат барои насли одамӣ маҳсуб меёбад. 

Танҳо ҳамдиливу муросо метавонад миллатро ба сӯи шукуфоӣ раҳнамун намояд.  

Ба андешаи Сарвари давлат Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон «Давлат ҳам мисли падару модар аст. Насли калонсоли имрӯз тамоми зиндагӣ ва фаъолияти худро дар талошу мубориза барои рафъи буҳрону мушкилот ва бунёдкориву созандагӣ гузаронида истодааст

Насли калонсоли имрӯз бо ҳамаи камбудиву мушкилоте, ки дошт, давлатро аз нестиву миллатро аз парокандагӣ наҷот дод, дар кишвар сулҳу суботи пойдор ва ваҳдати миллиро таъмин намуд ва пояҳои давлатдории миллиро устувор гардонид.

Акнун насли калонсол, яъне падару модарон фақат як орзу доранд, ки фардои Тоҷикистонро боз ҳам ободу пешрафта, марзу буми ин давлатро орому осуда ва ҳар фарди миллатро хушбахт бинанд. Шумо таҷрибаи дӯст доштани Ватан, обод намудани он ва ҳифзи манфиатҳои миллиро аз насли калонсол омӯзед.

Маҳз бо кӯшишҳои пайгиронаи Президенти кишвар Эмомалӣ Раҳмон миллати парешон сарҷамъ омад, мамлакат обод шуд, пеш рафт, гул-гул шукуфт ва имрӯз дар чеҳраи ҳар фарзанди тоҷик нишоту хурсандист, ваҳдату сулҳ падидор аст.

Аммо, мутаассифона, ҳанӯз ҳам дар ҷомеаи мо ҳастанд қувваҳое, ки пешрафти мамлакатамонро нодида мегиранд. Мехоҳанд бо ҳар баҳона камбудиҳои ҷузъии ҷомеаро бузург нишон дода, ҷомеаро ба гирдоби нобасомониҳо кашанд. Ин амалкардҳо дар ҳоле рух медиҳанд, ки зиёда аз сад давлати дунё мавриди ҳамлаҳои ғайриинсонии террористон ва ифротгароён қарор гирифтааст. Воқеият чунин аст, ки ҷуғрофияи нооромиҳо торафт доман паҳн намуда, таҳдиду хатарҳои глобалӣ имрӯз ба асосҳои бунёдии тартибу низоми ҷаҳонӣ ва усулҳои муносиботи байналмилалӣ таъсиргузор мебошанд.

Идомаи минбаъдаи ин ҳолат метавонад боиси амиқ гардидани таҳдиду хатарҳои сиёсиву иқтисодӣ, амниятӣ ва башариву фарҳангӣ дар минтақаҳои гуногуни олам гардад.

Тоҷикистони азизи мо дар арсаи байналмилалӣ бояд мақом ва мавқеи устувор дошта бошад. Аммо фаъолияти бархе аз гурӯҳҳову ҳизбҳои фаъолияташон мамнӯъ дар кишвар боиси коста гаштани обрӯи кишвар мегардад. Созмони “Паймони миллӣ” аз ҷумлаи чунин ҳизбу гурӯҳҳои ифротгаро ба ҳисоб рафта, имрӯзҳо дар арсаи сиёсиву байналмилалӣ на танҳо мақому манзалатии худро аз даст дод, балки пайваста ба номи халқу миллат ва давлати Тоҷикистон тӯҳмату бӯҳтонҳои беасос изҳор менамояд.

Мо ҷавононро талқин мекунем, ки танҳо илм омӯзанд ва роҳи ростинро пеша созанд.

Тоҳирҷон Тоҳиров, устоди ДПДТТ дар шаҳри Хуҷанд

Нашр шуд: 12 июни 2023

Дида шуд: 233 маротиба

Фарзанди фарзонаи миллат, ходими номдори давлатию сиёсӣ, Қаҳрамони Тоҷикистон Бобоҷон Ғафуров тамоми ҳаёт ва фаъолияти худро ба гирдоварӣ ва бузургдошти таърихи миллати тоҷик ва манзури ҷаҳониён гардонидани он сарф намудааст.  Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба шахсияти таърихиву мондагори Бобоҷон Ғафуров арҷ гузошта, китоби ин олими тавоно, ходими барҷастаи сиёсиву фарҳанги “Тоҷикон”-ро намунаи  олии ватандорӣ унвон кардаанд. Бобоҷон Ғафуров дар фаъолияти роҳбарии худ ба ҳалли масъалаҳои муҳимтарини тараққиёти иқтисодӣ, иҷтимоӣ ва фарҳанги машғул мешуд. Пешомадҳои стратегии ҷумҳуриро андеша намуда, роҳҳои мушаххаси амалӣ гардонидани онҳоро муайян мекард. Ба Амри Президенти Ҷумҳурии Тоҷикистон аз ―7‖ июли соли 2022 таҳти рақами АП-227 дар бораи соли 2023 баргузор кардани озмуни Ҷумҳуриявии «Тоҷикон-оинаи таърих» маро водор сохт, ки аз таърихи номгузории гимназияи 24- и шаҳри Хуҷанд ба номи Бобоҷон Ғафуров ва ташкили осорхона дар ин боргоҳ хотираҳои худро рӯйи қоғаз  биёрам, чунки тарбия намудани ҷавонон дар пешрафти иқтисодиёту иҷтимоиёти ҷумҳурӣ бо назар кардан ба таърихи миллат вазифаи аввалиндараҷаи мо мебошад. Пас аз номгузорӣ шудани мактаб,  бо иқдоми директори гимназия Гавҳар Арипова ва дастгирии Раиси шаҳри Хуҷанд Бахтиёр Ашӯров дар назди мактаб осорхонаи ба номи Бобоҷон Ғафуров ташкил карда шуд. Барои  ҷамъ кардани маводҳо гуруҳи корӣ ташкил карда шуд, ки ман он вақт вазифаи муовини директор оид ба корҳои тарбияро дар гимназия ба уҳда доштам. Гуруҳи корӣ бо номи ―”Ҷӯяндагон» бо фарогирии 11 нафар аъзоёни комиссия таъсис дода шуд. Ҳар як аъзои гуруҳ вазифаи худро дошт. Дар давоми 3 моҳи истироҳати тобистона зиёда аз 2500 ҳазор номгӯйи ашё ва экспонатҳои таърихӣ ҷамъоварӣ карда шуд, ки ҳоло дар осорхона маҳфуз аст. Корҳои тарғиботиву ташкилӣ бо ҷӯшу хурӯш идома дошт. Декабри соли 1988 бахшида ба 80-солагии фарзанди фарзонаи миллат дар гимназия конференсияи Ҷумҳуриявӣ бо иштироки муаллими Бобоҷон Ғафуров Ҳасанов Абдуғаффор ва фарзанди он кас олими шинохта Усмонҷон Ғаффоров баргузор гардид. Боиси хушнудист, ки ташаббуси мо аз тарафи МИҲД-и ш.Хуҷанд дастгирӣ ёфта ягона фарзанди Бобоҷон Ғафуров Нинел Бобоҷоновна ба ш.Хуҷанд даъват карда мешаванд. Вохӯриҳо бо шахсони донандаи ҳаёт ва фаъолияти ин марди сиёсатмадор ба мо руҳу илҳоми тоза мебахшид. Бо таклифи духтари Бобоҷон Ғафуров Нинел Боҷоновна ва маслиҳати гуруҳи кории гимназия ба ман насиб гашт, ки барои дарёфти экспонатҳои нав ба шаҳри Москва сафар намоям. Дар Маскав маро Нинел Бобоҷоновна хуш пазируфтанд ва барои осорхона додани экспонатҳо, расмҳо аз ҳаёти падар ваъда карданд, лекин рӯзи дигар хабар доданд, ки он кас бо сафари корӣ ба мӯҳлати як моҳ ба хориҷа доранд. Ҳамон рӯз маро насиб гашт, ки дар Академияи шарқшиносии ш.Маскав бо Олимҷон Ғафуров вохӯрам, ҷустуҷӯй карда то Академия омадам, маро дар назди дар посбонҳо пешвоз гирифтанд, пас аз пурсуҷӯй ба сӯйи утоқи кории он кас роҳбаладӣ кард. Ба утоқи корӣ ворид шудам, утоқи кории калони барҳаво дар пештоқ марде аз ҷой хеста маро пешвоз гирифтанд, бо дидани он кас аз чашмонам ашк ҷорӣ шуданд, ба назарам гӯё Бобоҷон Ғафуров омада истода бошанд.

-Биёед, духтарам, аз Ленинобод омадед?

 -Бале, гиря гулӯгирам карда буд.

 -Нағз омадед, касе шуморо озор дод?

-Не, Нинел Бобоҷоновна сафари корӣ доштаанд, аз ин хотирпарешон шудам.

Аҳволи маро пурсиданд, аз мақсади ман огоҳ шуданд, шод шуданд, ки дар зодгоҳашон ба муассисаҳои таълимӣ номи бародари зиндаёдашон гузошта мешавад. Бо ҳамсарашон Капиталина Ғафурова телефонӣ ҳамсӯҳбат шудам, он кас дар бораи китобхонаи бузурги Бобоҷон Ғафуров, лекин дар истироҳати меҳнатӣ ҳастанду имконияти бо ман вохӯрдан надоштанашон маълумот доданд. Пас аз сафари Маскав ба шаҳри Душанбе сафарӣ доштам. Дар он ҷо бо хоҳару бародарони Бобоҷон Ғафуров Тоҷинисо, Хайринисо ва як бародари дигарашон вохӯрдам. Аз он ҷо расми падарашон Сангинов Ғафур ва модарашон Розия Озодро барои осорхона дастрас намудам. Ҳамчунин якчанд китоб тӯҳфа карданд:”Таърихи мухтасари халқи тоҷик”, се ҷилд китоби “Таърихи халқи тоҷик”, “История таджикского народа в кратком изложении: С древнейших времен до Великой Октябрской Социалистической революции 1917г.”.

Имрӯзҳо омодагӣ ба ҷашни 115-солагии Қаҳрамони Тоҷикистон, сиёсатмадори маъруф Бобоҷон Ғафуров дар тамоми гӯшаву канори мамлакат ва берун аз он вусъати тоза мегирад. Хизмати Бобоҷон Ғафуров ҳамҷун директори Академияи шарқшиносӣ барои ошно намудани тамаддуни Шарқу Ғарб бо номи “Искандари Мақдунӣ ва Шарқ” ниҳоят бузург аст. Чи тавре ки Ҷаноби Олӣ дар китоби “Чеҳраҳои мондагор” овардаанд:”Тоҷикон” воқеан шиносномаи миллат аст. Ин шоҳасари безавол, ки самараи меҳнати сисолаи олим аст, аз ҷумлаи таҳқиқоти бунёдӣ ва фарогирандаи таърихи халқҳои Осиёи Марказӣ ба шумор меравад. Ин асар барҳақ, китоби рӯйимизии ҳар як фарди соҳибмаърифати тоҷик мебошад ва барои худогоҳии миллӣ ва рушди тафаккури таърихии мардуми мо чун обу ҳаво зарур аст”. Аз ин лиҳоз бо кӯмаку дастгирии Ҷаноби Олӣ китоби “Тоҷикон” ба ҳар як оилаи тоҷик дастрас карда шуд. Омӯхтани ин асарҳо, ташкил кардани осорхонаҳо, гузаронидани озмунҳо ба монанди “Фуруғи субҳи доноӣ китоб аст”, “Илм фуруғи маърифат”, «Тоҷикон-оинаи таърих» аз он дарак медиҳад, ки мо - устодон дар таълиму тарбияи фарзандон дар руҳияи ватандӯстиву меҳанпарастӣ тарбия кардан фаъол бошем. Хулоса, дар охири асри ХХ ва оғози асри ХХ1 дигаргуниҳои зиёдеро дар соҳаи илму технология ва иқтисодиёт дида истодаем. Мо вақте бо таърих ва асарҳои таърихии алломаҳои тоҷик ошно мегардем, барои ҳамқадами замон шудан, ба пешравии миллат ягон ҳиссаи сазовори худро гузоштан, ворисони сазовори тамаддунсози ниёгон будан кӯшиш менамоем.

Имрӯз дар гимназияи №24-и шаҳри Хуҷанд, осорхона амал менамояд, ки дар ташкили он 35 сол пеш омӯзгорону шогирдони зиёд саҳми худро гузоштаанд: Арипова Гавҳар, Маҳмудова Гавҳар, Рустамов Юлдошбой руҳашон шод бод. Ман фахр дорам, ки  солҳои тӯлонӣ дар ин гимназияи номдори вилояти Суғд кор ва фаъолият намуда, хотираи ин абармарди таърихиро бо ҷамъи устодон ва шогирдон шод намудем.

Темирова Хайринисо Исломовна, устоди ДПДТТ дар шаҳри Хуҷанд

Нашр шуд: 12 июни 2023

Дида шуд: 244 маротиба

  Зуҳур ёфтани гурӯҳҳои ифротгарои имрӯз мардуми сулҳхоҳи дунё, аз ҷумла ҷомеаи моро ба ташвиш овардааст.

        Мутаассифона, ҳамарӯза шоҳиди нооромиҳо ва даргириҳои зиёде дар як қатор кишварҳои дунё ҳастем.

Дар ҷаҳони имрӯза зиддиятҳои динӣ, этникӣ ва иҷтимоӣ, ки асоси ҷоннокшавии терроризм гардидаанд, то рафт авҷ  гирифта истодааст. Дар сарҳадҳои Афғонистон ва Покистон базаҳои тайёркунии террористони байналхалқӣ, ки ба онҳо ташкилоти террористии "Ал-қоида", "Толибон" "Ҳаракати исломии Ӯзбекистон" якҷоя амал мекунанд, мавҷуданд. Онҳо аз паст будани маърифати исломии аҳолӣ ва аз муамоҳои иҷтимоии онҳо хеле моҳирона истифода бурда, ин табақаи ҷамъиятро бештар ба тарафи худ мекашанд.

        Экстремизм-зидди ҳукумати қонунӣ баромадани гурӯҳҳое мебошанд, ки мамлакатро ноором гардонида, мехоҳанд ба ҳокимият соҳиб шаванд. Аз рӯйи маълумотҳо ҳоло дар дунё қариб 500 гурӯҳҳои гуногуни самти диннӣ-экстремистӣ дошта амал намуда истодааст. Дар солҳои охир аз тарафи онҳо қариб 10ҳ. ҳаракати террористӣ, ки дар натиҷаи он ҳазорҳо одамон фавтидаанд, амалӣ шуда истодааст.

          Бо баробари ин пурзӯршавии фаъолияти ҳизбӣ динӣ ва экстремистии "Ҳизб-ут -таҳрир", ки фаъолияти зиддиконститутсионӣ дошта, бо роҳи осоишта мақсади барпо кардани "Хилофат"-и исломиро касб менамояд, мушоҳида мегардад. Чунин ҳизбу ҳаракатҳо аз муаммоҳои иҷтимоӣ, иқтисодӣ ва каммаърифатии як қисми аҳолӣ хусусан ҷавонон хеле моҳирона истифода бурда, онҳоро ба сӯи худ мекашанд. Дар чунин вазъият ҷавононро ҳушёрии сиёсӣ, маърифатнокии баланд, худшиносии миллӣ лозим аст.

         Ҳизбу ҳаракатҳои ғайриқонунӣ : Салафия, Ансоруллоҳ, Ҳизб-ут-таҳрир, Ал-Қоида, Ҳаракати исломии Ӯзбекистон, Ваҳобиён ва ғайра мебошанд, ки мақсади онҳо барпо кардани давлати исломӣ мебошад.

         Салафиён ва Ваҳҳобиён ташкилотҳои диние мебошанд, ки аз тарафи ходими динии араб Муҳаммад ибни Абдулваҳҳоб таъсис карда шудаанд. Асосҳои назариявии ин таълимотро олими соҳаи дин Ибни Таймӣ дар асри XIV пешниҳод намудааст. Асоси ғоявии Салафияро муборизаи яроқнок бар зидди “кофирон” ташкил медиҳад.

        “Ҳизб-ут-таҳрир” фаъолияти зидди қонунӣ дошта, бо ҳар роҳ тавонистааст бисёр ҷавононро ба тарафи худ ҷалб намояд.Набояд Мо ҷавонон ба ин ҳизбу ҳаракатҳои ғайриқонунӣ шомил гардем ва нагузорем, ки ҳамсолони мо низ фирефтаи чунин ҳаракатҳои номатлуб гарданд.

        Имрӯзҳо дар Осиёи Миёна гурӯҳу ташкилотҳои гуногуни террористӣ ба монанди Ҳаракати исломии Ӯзбекистон, Ҳаракати исломии Туркистон ва ғайра, ки ба ташкилоти байналмиллалии террористии “Ал-Қоида” ҳамкорӣ доранд, бештар фаъол мебошанд. Чӣ хеле, ки аз гуфтаҳои дар боло зикр шуда маълум гашт ташкилоти террористии “Ал-Қоида” бо “Толибон”, “Ҳаракати исломии Ӯзбекистон” якҷоя амал мекунанд ва пешвоёни онҳо барои тайёр намудани ҷанговаронаш аз таълимоти Ибни Таймӣ истифода мебаранд. 

Аксарияти ҷавонони имрӯза бештар бо роҳи осон зиндагӣ карданро фикр мекунанд. Меҳнат кардан намехоҳанд, бо ҳар роҳе мехоҳанд соҳиби маблағи зиёд гарданд ва онро аз каммаърифатӣ, саводу дониш пасти динӣ доштан ва надоштани ягон касбу ҳунар ба ҳар гуна кору амалҳои нозарур даст мезананд. Шахсе, ки соҳибмаърифат аст метавонад мустақилона амал намуда, роҳи дурусти зиндагиро интихоб намояд. Инчунин барои ислоҳи камбудиҳои худ кӯшиш намуда, худро тарбия намояд.

         Бинобар ҳар яки мо  бояд дониши баланди илмӣ дошта бошем ва  аз паи касби интихобкардаи худ гашта, меҳнатдӯстиро пешаи худ гардонед. Чӣ хеле, ки президенти кишвар Э. Раҳмон дар баромади худ гуфтаанд:"Ҳамаи мо вазифадорем, ки бо шукронаи соҳибватаниву соҳибдавлатӣ ва сулҳу оромии кишвар, бо хотири фардои неку ободии Ватанамон ҳарчи бештар заҳмат кашида, Тоҷикистони маҳбубамонро боз ҳам ободу зебо гардонем." Дар ҳақиқат суханони Президенти кишвар дурустанд. Биёед ҳама барои ободу зебо гардонидани Ватани маҳбуби худ ва поку беолоиш нигоҳ доштани он кӯшиш ба харҷ диҳем.

Тоҳирҷон Тоҳиров, устоди ДПДТТ дар шаҳри Хуҷанд

Нашр шуд: 12 июни 2023

Дида шуд: 254 маротиба

Это честь каждого таджика и таджикского народа, что Республика Таджикистан сегодня под руководством Основателя национального мира и единства, Лидера нации, Президента Республики Таджикистан уважаемого Эмомали Рахмона признана во всем мире как активное и инициативное государство в направлении решения глобальных проблем, таких как нехватка питьевой воды и борьба с известными нежелательными явлениями века, в том числе с терроризмом и экстремизмом.

Стоит отметить, что Правительство Республики Таджикистан приняло национальные стратегии по борьбе с терроризмом и экстремизмом на 2016-2020 годы и борьбе с незаконным оборотом наркотиков на 2013-2020 годы, а также ряд других новых документов в этом направлении. По сути, терроризм и экстремизм в настоящее время считаются одними из самых опасных нежелательных явлений века для мира и спокойствия жителей планеты.

Терроризм и экстремизм обострились как никогда и со своими ужасными и жестокими последствиями стали самой серьезной проблемой человечества в текущем столетии. В современное время терроризм распространяется в различных регионах мира, вызывая большую общественную опасность и создавая угрозу безопасности отдельных государств и регионов. В то же время террористические акты обеспокоили миролюбивые народы мира. Несмотря на принимаемые в последние годы меры в направлении борьбы с терроризмом, угроза новых террористических актов не только не исчезла, но и возрастает.

Массовые убийства и кровопролития в ряде регионов мира являются неопровержимым свидетельством того, что терроризм и экстремизм являются врагами человечества, и люди с опаской относятся к таким опасным группировкам. Сегодня из-за нежелательных и ужасающих действий экстремистских и террористических группировок погибают многие ни в чем не повинные граждане, а бесчисленное количество детей остаются сиротами.

Из-за наличия таких групп вне рамок человечества, действующих в ряде регионов мира, скорбят тысячи мирных и счастливых семей, матери скучают по своим детям, а дети скучают по своим родителям. Сегодня в ряде стран идут разрушительные войны, вызывающие рост числа вынужденных беженцев, голод и другие социальные проблемы.

Любой гражданин не должен допускать экстремизм ни в каком виде, потому что он нарушает права и свободы человека и гражданина. Экстремизм нарушает нравственные устои общества и угрожает безопасности региона и всего мира, в том числе безопасности Республики Таджикистан. Бороться с экстремизмом должен каждый. Экстремист - это человек, который занимается корыстными актами упрямства и экстремизма. Эти действия и проявления могут происходить во всех сферах человеческой деятельности - в религии, политике, идеологии, науке и даже в спорте. Специальные иностранные организации в регионе заинтересованы в пропаганде экстремистских идей, пропагандируют и распространяют эти идеи среди молодежи. Сейчас террористические группировки, известные как «Исламское государство», «Хизб-ут-Тахрир», «Хезболла», «Аль-Каида» и им подобные, активно реализуют свои политические амбиции. Основной целью этих террористических группировок является достижение политических и экономических амбиций. В частности, для захвата источников переработки нефти и газа и других природных ресурсов, за которыми стоят очень большие капиталы.

Достойно благодарности, что сегодня наш дорогой Таджикистан обладает величайшими благами государственности - миром, спокойствием и полным единством, а его жители живут в тени безопасности и мира. Сегодня Республика Таджикистан является одной из немногих стран мира, где царит полный мир и стабильность, и никто не чувствует ни малейшей опасности для своей жизни. Принимая во внимание этот фактор, несколько раз в ходе опросов международных институтов Республика Таджикистан достигала очень видных позиций среди стран мира по уровню безопасности и защищенности иностранных туристов.

Поэтому сегодня каждый гражданин Таджикистана, независимо от политической позиции и религиозных убеждений, чтобы сохранить эту атмосферу безопасности и мира, не должен оставаться в стороне и с благодарностью за эти великие блага день и ночь трудиться для дальнейшего процветания этого солнечного края. Потому что эта наш край и наша земля, и только мы можем любить ее всей душой и сохранить данное стабильное состояние как достояние будущим поколениям.

Эту атмосферу мира и спокойствия, которая была достигнута в обмен на неустанные усилия Основателя мира и национального единства, Лидера нации – Президента Республики Таджикистан уважаемого Эмомали Рахмона, следует беречь как зеницу ока, и мы не должны позволить никакому фактору разрушить ее.

Баходурова С.А.,доцент Худжандского политехнического института

Таджикского технического университета им. акад. М.С. Осими, к.э.н

Нашр шуд: 12 июни 2023

Дида шуд: 188 маротиба