Мудири кафедра: номзади илмҳои иқтисодӣ, Аминҷонова Муҳиба Муҳамаднасимовна

Маълумот барои тамос бо кафедра:

Почтаи электронӣ: economica_management@mail.ru

Суроға: шаҳри Хуҷанд, кучаи Исмоили Сомонӣ 226

Сомона: нест

Аз таърихи кафедра

Кафедраи иқтисоди муҳандисӣ ва менеҷмент кафедраи тахассусӣ мебошад. Фаъолияти кафедра аз рӯи модели муосири се зинагии таълим - бакалавриат магистратура докторантура (PhD) ба роҳ монда шудааст.

Кафедраи меъморӣ соли 2010 баъди якҷоя шудани филияали ду донишгоҳ ҳамчун кафедраи иқтисодиёт ва идора фаъолият намуда, аз руйи ихтисосҳои 1-250107-иқтисодиёт ва идора дар корхона ва 1-250103-иқтисодиёти ҷаҳонӣ мутахассисонро омода менамуд. Сипас, самти фаъолияти кафедра барои омода намудани мутахассисони дараҷаи магистр аз руйи ихтисоси 1-250107 иқтисодиёт ва идора дар корхона, 1-260201- бизнес маъмуриятчигӣ ва доктори PhD аз руйи ихтисоси 6D050700-менеҷмент низ равона гардид. Соли 2015 номи кафедра назарияи иқтисодӣ ва идора номгузорӣ карда шуда, соли 2019 дар натиҷаи дигаргуншавии сохтори донишкада кафедраи назарияи иқтисодӣ ва идора бо кафедраи иқтисоди соҳавӣ якҷоя мешавад ва то имрӯз ҳамчун кафедраи иқтисоди муҳандисӣ ва менеҷмент дар назди факултети информатика ва энергетика фаъолият бурда истодааст. 

Фаъолияти асосии кафедра

Фаъолияти асосии кафедра барои тайёр кардани мутахассисон аз руйи се зинаи таҳсилот равона шудааст:

Зинаи бакалавриат:

-         1-250107-иқтисодиёт ва идора дар корхона;

-         1-270101-иқтисодиёт ва ташкили истеҳсолот аз рӯйи самтҳо;

-         1-260203.23-логистика;

Зинаи магистратура:

-         1-250107-иқтисодиёт ва идора дар корхона;

Зинаи докторантура:

-         6D050700-менеҷмент.

Вазифаи кафедра таъмини таҳсилоти босифат мебошад, ки ба стандартҳои муосир мувофиқат мекунад.

Коллективи профессорӣ-омӯзгории кафедра 3 доктори илм, 1 дотсент 8 номзади илм, 5 омӯзгори калон, 4 ассистентро дар бар мегирад. 60 % омӯзгорон дараҷа ва унвонҳои илмӣ доранд.

Дар байни омӯзгорони штатии кафедра Арбоби шоистаи илм ва техникаи Ҷумҳурии Тоҷикистон, узви Академияи байналмилалии илмҳои муҳандисӣ, аълочиёни маорифи Ҷумҳурии Тоҷикистон фаъолият мебаранд.

Унсури ҳатмии раванди таълимии кафедра фаъолияти илмии омӯзгорон ва донишҷӯен мебошад. Гурӯҳи омӯзгорони кафедра тадқиқотеро анҷом медиҳанд, ки анъанаҳои мактабҳои илмии дар кафедра ташаккулефтаро, ки ба мушкилоти мубрами бахши воқеии иқтисодиети ватанӣ мутобиқ карда шудаанд, идома медиҳанд. Имрӯз коллективи кафедра тадқиқоти илмиро оид ба таҳқиқи омилҳои стратегӣ ва инноватсионии рушди устувори иқтисодиети минтақавӣ анҷом медиҳанд.

Мавзӯи корҳои илмӣ-тадқиқотии кафедра "Омилҳои стратегии рушди устувори иқтисодиети минтақа" мебошад.

Аз ҷониби устодони кафкдра зиёда аз 90 дастури методӣ оид ба иҷрои корҳои амалӣ, китоби дарсӣ, барномаҳои таълимӣ ва дафтарҳои корӣ аз фанҳои тахассусӣ аз нашр баровардааст. Устодони кафедра муаллифони зиёда аз 300 мақолаҳои илмӣ, аз ҷумла байналмиллӣ, ҷумҳуриявӣ, дохилидонишкадавӣ, мақолаҳои аз тарафи КОА ва SCOPUS эътирофшуда, дар соҳаи иқтисодӣ мебошанд. Шогирдони устодони кафедра ҳамасола дар озмунҳои байналмилалӣ, ҷумҳуриявӣ, вилоятӣ, шаҳрӣ, дохилидонишкадавӣ ва намоишгоҳҳо бо лоиҳаҳо ва тадқиқотҳои илмии худ дар самти иқтисодӣ фаъолона иштирок намуда сазоворӣ ҷойҳои намунавӣ мегарданд.

Кормандони кафедра

Маълумоти мухтасари статистикӣ. Дар охир истинод/ссылка (бо номи “муфассалтар”) ба саҳифаи алоҳида бо рӯйхати кормандон бо вазифа, фанҳои дарсдиҳанда, корҳои нашршудаи асосии онҳо

Самтҳои асосии тадқиқотҳои илмӣ ва созандагӣ

Самти асосии илмӣ-тадқиқотии кафедра "Омилҳои стратегии рушди устувори иқтисодиети минтақа"; "Тараққиёти инноватсионии минтақа дар заминаи рушди устувор (дар мисоли вилояти Суғди Ҷумҳурии Тоҷикистон) мавзӯи 5 – солаи кафедра мебошад.

Объекти тадқиқоти самти кори илмӣ ин рушди устувори иқтисодиети минтақавии Вилояти Суғди ҶТ мебошад.

Мавзӯи таҳқиқот омилҳои стратегии рушди устувори иқтисодиети минтақавии вилояти Суғди Ҷумҳурии Тоҷикистон, ба монанди: робитаҳои иқтисодии хориҷӣ, рақобатпазирии кишвар, рақобатпазирии минтақа ва корхонаҳо, рақобатпазирии донишгоҳ, сармояи инсонӣ, фаъолияти инсонӣ, мушкилоти таваррум, омилҳои иҷтимоию иқтисодӣ, робитаи навоварӣ, маориф ва бозори меҳнат, баланд бардоштани сифати таълим, ҷорӣ намудани усулҳои муосири таълим, дигаргунсозии маориф, тағйироти институтсионалӣ, механизмҳои иқтисодии идоракунии рушди устувор, масъалаҳои табдили рақамӣ ва иқтисоди сабз, рушди инноватсионӣ ва ғайра мебошад.

Фаъолияти байналхалқии кафедра

Устодони кафедра дар лоиҳаи байналхалқии таҳти мавзӯи “Коркарди консепсияи миллии таҳсилоти кооперативӣ” дар доираи лоиҳаи GIZ PECA бо мақсади омузиш ва ҷорӣ намудани элементҳои таҳсилоти дуалӣ дар раванди таълим “Коркарди барномаи таълимии кооперативии “Логистика дар истеҳсолоти хурокворӣ”” дар доираи лоиҳаи GIZ PECA бо мақсади аз аккредитатсияи байналмилалӣ гузаронидани барномаи таҳсилоти ихтисоси логистика, лоиҳаи байналмиллалии “Рақамикунонии иқтисодиёт баҳри рушди устувори Тоиҷикистон ва Украина” дар доираи лоиҳаи Erasmus+ бо мақсади густариш додани иқтисоди рақамӣ ва рақамикунонии раванди таълими ихтисосҳои зинаи магистратура ва докторантура иштирок мекунанд.

Барномаҳои таҳсилотии бакалавриат

1-250107 - Иқтисодиёт ва идора дар корхонаҳо. Иқтисодчӣ, менеҷер, маркетолог, иқтисодчии соҳаи савдо, мутахассиси сармоягузорӣ, муҳосиб, аудитор, агенти савдо дар корхонаҳои давлатию хусусӣ.

1-270101 - Иқтисодиёт ва ташкили истеҳсолот (аз руйи самтҳо). Иқтисодчӣ – таҳлилгар, муҳандис-иқтисодчии шуъбаи истеҳсолӣ-техникӣ, муҳандис оид ба ташкил ва идоракунии истеҳсолот, нозири давлатӣ оид ба масъалаҳои иқтисодӣ, муҳандис-иқтисодчӣ дар соҳаи нақлиёт ва энергетика, мутахассис оид ба: таъминоти моддӣ-техникӣ, мутахассис оид ба идоракунии лоиҳаҳо.

1-26020323 - Логистика. Мутахассиси назорат ва идоракунии ҳаракати захираҳои мол, ташкили раванди оқилонаи таблиғи молҳо ва хидматҳо аз молрасон то истеъмолкунанда. Соҳаи фаъолияти логистик метавонад таъмини фаъолияти соҳаи муомилоти мол, хизматрасонӣ, маҳсулот, ташкил ва мустақиман фароҳам овардани инфрасохтори гардиши молро дар бар гирад.

Барномаҳои таҳсилотии магистратура

ü 1-250107m - иқтисодиёт ва идора дар корхона

Мутахассиси дараҷаи магистри иқтисодӣ аз руйи ихтисоси иқтисодиёт ва идора дар корхона.

Барномаи магистрии "Иқтисодиёт ва идора дар корхона" барои тайер кардани менеҷерон- таҳлилгар ва аналитикҳо равона шудааст, ки имконияти устуворӣ ва рақобатпазирии тиҷоратро дар шароити гузариш ба иқтисоди рақамӣ  ба истифода аз усулҳои муосири идоракунии ташкилотҳо, моделсозӣ бо назардошти таҷрибаи беҳтарини хориҷӣ, равандҳои тиҷоратии ширкат ва самаранок идора кардани хатарҳои молиявиро на танҳо дар шароити мӯътадили иқтисодӣ, балки дар шароити бӯҳрон таъмин менамоянд.

Хатмкунандаи барномаи МВА салоҳияти роҳбари зинаи миена ва олиро ташаккул медиҳад. Омӯзиш аз рӯи барномаи МВА салоҳиятҳои зеринро ташаккул медиҳад:

-  қобилияти татбиқи донишҳои назариявӣ барои ҳалли масъалаҳои тиҷорат ва идоракунӣ;

-  қобилияти ташаккул додани ҳадафҳо барои қабули қарорҳо;

-  қобилияти мустақилона ба даст овардани донишҳои нав, таҳлили иттилооти идоракунӣ;

-  донистани усулҳои банақшагирӣ ва пешгӯии фаъолияти ташкилот;

-  қобилияти истифодаи таҳлили молиявӣ, воситаҳои таҳлили стратегӣ, усулҳои арзебии лоиҳаҳои сармоягузорӣ;

-  ба роҳ монда тавонистани воситаҳои роҳбарӣ, ҳавасмандкунӣ ва идоракунии захираҳои инсонӣ дар ташкилот.

Барномаҳои таҳсилотии докторантура (PhD)

ü 6D050700 – менеҷмент

Барномаҳои таълимии докторантураи PhD дар ҳамгироии пурзӯри фаъолияти таълимӣ, методологӣ ва тадқиқотӣ, ки ба тайер кардани кадрҳои илмӣ-педагогӣ бо сатҳи баланди дониш, малака, малака ва салоҳият дар соҳаи иқтисодиет нигаронида шудаанд, сохта шудаанд.

Асоси барномаи таълимии бунедии докторантураро курсҳои муаллифӣ, семинарҳои илмии профессорӣ, лексияҳои профессорон, мастер-классҳои олимон ва амалкунандагони маъруф ташкил медиҳанд.

Кормандони кафедра:

Маълумоти мухтасари оморӣ. Дар охир истинод/ссылка (бо номи “муфассалтар”) ба саҳифаи алоҳида бо рӯйхати кормандон бо вазифа, фанҳои дарсдиҳанда, корҳои нашршудаи асосии онҳо