Дар соли таҳсили 2024–2025 Донишкадаи политехникии Донишгоҳи техникии Тоҷикистон ба номи академик М. С. Осимӣ дар шаҳри Хуҷанд фаъолияти илмӣ ва инноватсионии донишҷӯён ва магистрантонро фаъолона рушд дод.

Дар давоми сол 14 маҳфили илмии назди кафедравӣ ва 30 маҳфили омодасозии иштирокчиёни озмунҳо бомуваффақият фаъолият намуданд. Дар натиҷа, 60 мақолаи илмии донишҷӯён ва 73 мақолаи илмии магистрантон барои нашр омода гардиданд, ки қисми онҳо аллакай ба табъ расидаанд. Илова бар ин, 32 лоиҳаи инноватсионӣ ба озмунҳои ихтироъкорон ва навоварон пешниҳод карда шуданд.

Иштироки донишҷӯён дар озмунҳои илмӣ ва зеҳнӣ хеле фаъол буд. Зиёда аз 220 нафар донишҷӯён дар озмунҳои сатҳи донишкадавӣ иштирок намуда, беш аз 90 нафари онҳо ба даврҳои шаҳрӣ, вилоятӣ ва ҷумҳуриявӣ роҳ ёфтанд.

Ҳамчунин дар институт олимпиадаҳо аз фанҳои забони давлатӣ, таърих, забони русӣ ва забони англисӣ баргузор гардиданд. Дар даври донишкадавии ин олимпиадаҳо 62 нафар донишҷӯён иштирок намуданд.

Донишҷӯён ва магистрантони институт дар сатҳи байналмилалӣ низ фаъолона ширкат варзиданд. Онҳо дар олимпиадаҳои байналмилалии «Электротехника – 2025» ва «Ҳисобҳои физикӣ-математикӣ дар соҳаи энергетика» иштирок намуда, зиёда аз 40 нафар бо диплом ва сертификатҳо қадрдонӣ шуданд.

Ғолибон чунинанд:

-Шамсия Шамсиддинова, унвонҷӯи ихтисоси агротехнология ва экологияи саноат — ҷойи 3-юм;

-Олияхон Исмоилова, магистранти курси 1-уми ихтисоси истеҳсол, нигоҳдорӣ ва коркарди маҳсулоти растанипарварӣ — ҷойи 3-юм;

-Собитҷон Эркаев, донишҷӯи курси 4-уми ихтисоси таъмини барқ — ҷойи 3-юм.

Дар давоми сол донишҷӯён ҳамчунин дар озмунҳои ҷумҳуриявӣ, аз ҷумла «Илм — чароғи маърифат», «Муҳаққиқ ва ихтироъкори ҷавон», «Магистранти сол», «Маърифати молиявӣ» ва дигар озмунҳои ҷумҳуриявӣ ва вилоятӣ иштирок намуданд.

Дар сатҳи донишкадавӣ конференсияҳои илмӣ, озмунҳои касбӣ ва эҷодӣ, олимпиадаҳо ва чорабиниҳои илмӣ бахшида ба Рӯзи илми тоҷик баргузор гардиданд.

Чорабинии муҳим озмуни ҷумҳуриявии «Магистранти сол» мебошад, ки соли дуюм пай дар пай дар моҳи апрел бо ташаббуси Вазорати маориф ва илми Ҷумҳурии Тоҷикистон ба муносибати Рӯзи илми тоҷик баргузор мегардад.

Натиҷаҳои ба дастомада аз сатҳи баланди фаъолияти илмии донишҷӯён ва магистрантони Донишкадаи политехникӣ ва саҳми муҳими он дар рушди маориф ва илми Ҷумҳурии Тоҷикистон шаҳодат медиҳанд.