АМАЛИЯ: РАСОНИДАНИ ЁРИИ АВВАЛИНИ ТИББӢ БА ҶАБРДИДА АЗ ТАЪСИРИ ҶАРАЁНИ БАРҚ
Дар факултети энергетикаи донишкада аз фанни “Бехатарии элекрикӣ” барои донишҷуёни соли 3-юми ихтисоси таъмини барқ дарси амалӣ дар мавзуъи “Расонидани ёрии аввалини тиббӣ ба ҷабрдида аз таъсири ҷараёни барқ” бо ҳамроҳи устодони кафедра Шарафҷон Тоштемиров ва Обиддин Ваҳҳобов бо истифода аз аёният гузаронида шуд.
Дар рафти гузаронидани машғулияти амалӣ аз ҷониби устод Обиддин Ваҳҳобов тарзу усули расонидани нафаси сунъӣ, маҳси берунаи дил ва миқдори зарурии он барои эҳё намудани ҷабрдида дар маникенти озмоишӣ амалан нишон дода шуд.
Дар навбати худ донишҷуёни гуруҳ бонавбат, дар амал усули расонидани нафаси сунъӣ ва маҳси беруни дилро гузарониданд. Дар рафти машғулияти амалӣ донишҷуён бевосита, ҷиҳати расонидани нафаси сунъӣ ва маҳси берунаи дил малакаҳои корӣ ҳосил намуда, бо истифода аз маникенти озмоишӣ амалиётҳо анҷом доданд.
Бояд қайд намуд, ки омӯзиши амалиётҳои дар боло зикршуда, барои омода намудани муттахассисон аз назари тиббӣ мавқеъи хосса дошта, мутахассисони соҳаро барои амалиётҳои фаврӣ ва таъхирнопазир дар ҳолатҳои ба вуқӯъ омадани ҳодисаи нохуш дар истеҳсолот ва таҳти таъсири ҷараёни барқӣ мондани кормандон омода менамояд.
Шуъбаи иттилоот ва кор бо ВАО
