Бахшида ба ҷашни Наврӯзи байналмилал дар ноҳияи Спитамен мусобиқаи кушоди ноҳиявӣ оид ба каратэ-до (WKF) байни наврасон ва ҷавонон баргузор гардид, ки дар он устоди донишкада Исматулло Норов иштироки фаъолона намуда, мақоми аввалро ба даст овард.

Омӯзгори калони кафедраи забони давлатӣ ва ҷомеашиносӣ Исматулло Норов дар вазни аз 70 кило боло фаъолона иштирок намуда, 5 ҳарифи худро шикаст дода, мақоми аввали мусобиқаро соҳиб шуд.

Бояд қайд намуд, ки мусобиқа бо мақсади тарғибу ташвиқи каратэ байни наврасон ва ҷавонон, баланд бардоштани маҳорати касбии варзишгарон, мустаҳкам намудани дўстӣ байни варзишгарон, ҷалб намудани наврасону ҷавонон ба варзиш сурат гирифта, дар он беш аз 100 нафар варзишгарон аз шаҳру ноҳияҳои Хуҷанд, Конибодом, Бобоҷон Ғафуров, Спитамен ва Ҷаббор Расулов иштирок намуданд.

Пас аз қувваозмоиҳо ғолибони мусобиқа муайян гардида, дар охир ба онҳо аз ҷониби Мақомоти иҷроияи ҳокимияти давлатии ноҳияи Спитамен ҷом, медал ва диплом тақдим карда шуданд.

Шуъбаи иттилоот ва кор бо ВАО