Нахуст пешниҳоди Раёсати Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар вилояти Суғдро дар бораи пешгирӣ ва бартараф намудани сабабу шароитҳое, ки ба соддир намудани ҷиноят ва дигар ҳуқуқвайронкуниҳои хусусияти коррупсионӣ дошта мусоидат менамояд ба самъи кормандон расонида шуд.

Нозири калони шӯъбаи муқовимат ба коррупсия, капитани адлия Беҳруз Сайфулло доир ба моҳияти асосии Қонуни Ҷумҳурии Тоҷикистон "Дар бораи муқовимат ба коррупсия" маърӯза намуд.

Қайд гардид, ки Қонуни мазкур асосҳои ҳуқуқӣ ва ташкилии мубориза бо коррупсияро муайян карда ба ҳифзи ҳуқуқу озодиҳои инсон ва шаҳрванд, манфиатҳои давлату ҷомеа, таъмини амнияти миллӣ ва фаъолияти муътадили мақомоти давлатӣ равона шудааст. Он механизмҳои пешгирӣ, ошкор кардан, таҳқиқу тафтиши ҳуқуқвайронкуниҳои ба коррупсия алоқаманд ва ба ҷавобгарӣ кашидани шахсони алоқамандро муқаррар мекунад.

Декани факултети ҳуқуқшиносии ДДҲБСТ, узви Комиссияи ҷамъиятӣ оид ба пешгирии коррупсия дар назди МИҲД вилояти Суғд Шуҳрат Кенҷаев доир ба пешгирии коррупсия ва мубориза алайҳи он баромад намуда, аз ҷумла зикр дошт, ки устодон яке аз субектҳои асосии таъсиркунанда ба коррупсия мебошанд. Дар ин раванд, ду намуди субектро мушоҳида намудан мумкин аст: дахолаткунанда ва иштироккунанда. Субъектҳои дахолаткунанда ва иштироккунанда дар Қонуни Ҷумҳурии Тоҷикистон "Дар бораи муқовимат ба коррупсия" ба шахсоне дахл доранд, ки дар раванди пешгирӣ, ошкор кардан ва мубориза бо коррупсия иштирок мекунанд ё ба он таъсир мерасонанд.

Таъкид шуд, ки баргузории ҷаласаи мазкур барои боло бурдани маърифати зидди коррупсионӣ дар донишкада мусоидат менамояд ва донишҷӯён бори дигар дарк карданд, ки коррупсия дар қатори дигар омилҳои номатлуб барои ҷомеа ва давлат хатарнок дониста шуда, яке аз масъалаҳои доғи ҷомеаи ҷаҳонӣ ба ҳисоб меравад ва пешгирии он вазифаи тамоми қишри мамлакат мебошад.

Бояд қайд намуд, ки дар донишкада нақшаи чорабиниҳои амалисозии Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030 барои марҳилаи якум (солҳои 2021-2025) ба фармони Президенти Ҷумҳурии Тоҷикистон аз 3 августи соли 2021, № 222 ба тавсиб расидааст, мавҷуд буда, дар асоси он нақшаи чорабиниҳои Вазорати маориф ва илми Ҷумҳурии Тоҷикистон ва нақшаи чорабиниҳои донишкадавӣ таҳия ва тибқи он корбарӣ карда мешавад.

Ҳамзамон мувофиқи барномаи таълимии кории фанҳои факултативӣ барои донишҷӯёни курсҳои 1-4 дар соати тарбиявӣ мавзӯи “Коррупсия-мафҳум, моҳият ва заминаҳои аксуламал” мавриди омӯзиш ва таҳлили ҳамаҷониба қарор гирифта шудааст.

Шуъбаи кор бо ВАО