ИФТИХОРИ МО: ДАСТОВАРДИ ОЛИМОНИ ДОНИШКАДА ДАР ҶАМЪБАСТИ ОЗМУНҲОИ “ҲАФТАИ ИЛМИ ТОҶИК"
Раёсати Донишкадаи политехникии ДТТ ба номи академик М.С.Осимӣ дар шаҳри Хуҷанд бо хушнудӣ хабар медиҳад, ки 4 нафар донишҷӯёни донишкада дар озмунҳои ҷумҳуриявии «Муҳаққиқ ва ихтироъкори ҷавон» ва «Магистранти сол» ғолибият ба даст оварданд.
Ҷойи 3 дар бахши ихтироъкорӣ ва навоварӣ дар самти техникаи аграрӣ ва технология миёни докторантон аз рӯйи ихтисос (PhD) ва унвонҷӯён:Шамсия Шамсиддинова, унвонҷӯи кафедраи агротехнология ва экологияи саноат.
Лоиҳаи “Таҳия ва татбиқи технологияи каммасрафи обёрӣ ҳангоми парвариши ниҳолҳо дар контейнер”.
Ҷойи 3 дар бахши ихтироъкорӣ ва навоварӣ дар самти технология миёни донишҷӯён ва магистрантон:Олияхон Исмоилова, магистранти курси 1-уми ихтисоси истеҳсол, нигоҳдорӣ ва коркарди маҳсулоти растанипарварӣ.
Кори илмии “Такмили технологияи маҳсулоти функсионалӣ дар асоси консентрати растанигӣ”.
Ҷойи 3 дар бахши фанҳои техникӣ дар самти энергетика миёни донишҷӯён ва магистрантон:Собитҷон Эркаев, донишӯи курси 4-уми ихтисоси таъмини барқ.
Кори илмии ”Муайян кардани талафоти неруи барқ ва моделсозии шабакаҳои барқии пастшиддат дар деҳот”.
Ҳамзамон, Фарида Улмасова, магистранти курси 2-юми ихтисоси таълими касбӣ (аз рӯйи самтҳо) дар озмуни ҷумҳуриявии “Магистранти сол” миёни магистрантони 32 муассисаҳои таҳсилоти олии касбӣ ва илмии Ҷумҳурии Тоҷикистон иштирок намуда, ҷойи ифтихориро сазовор гашт ва бо сипосномаи вазири маориф ва илми Ҷумҳурии Тоҷикистон қадрдонӣ карда шуд.
Дастоварди мазкур ба кулли ҷомеаи меҳнатии донишкада ва донишҷӯёни он муборак бошад!
Шуъбаи кор бо ВАО
