Дар намоиши китобҳо асарҳои пурғановати Пешвои миллат муҳтарам Эмомалӣ Раҳмон аз ҷумла «Тоҷикон дар оинаи таърих», «Тоҷикистон дар остонаи фардо», «Ҷавонон ояндаи миллат», «Тоҷикон дар оинаи таърих, Аз Ориён то Сомониён», «Истиқлолият неъмати бебаҳост», «Тоҷикистон: даҳ соли истиқлолият, ваҳдати миллӣ ва бунёдкорӣ», «Истиқлолияти Тоҷикистон ва эҳёи миллат», «Сарнавишти миллати соҳибтамаддун», «Мероси Имоми Аъзам ва гуфтугўи тамаддунҳо», «Чеҳраҳои мондагор» ва ғайраҳо муаррифӣ карда шуд, ки устодону донишҷӯён аз онҳо дидан намуда, бо муҳтавои он шинос гардиданд.

Намоиши асарҳои Пешвои муаззами миллат муҳтарам Эмомалӣ Раҳмон аз соати 08:00 оғоз ёфта то соати 14:00 идома ёфт. Зимни шиносоӣ донишҷӯён ва устодони донишкада, оид ба корнамоиҳои Пешвои миллат ва заҳматҳои беандозаӣ ӯ дар ободонии мамлакат, бунёдкорӣ, маҳсули эҷод, дид, тафаккур ва дигар самтҳои фаъолияти пурсамари Пешвои миллат ошноӣ пайдо намуданд.

Бояд қайд намуд, ки фаъолияти пурмуҳтавову пурмаҳсули давлативу ҷамъиятии Президенти Ҷумҳурии Тоҷикистон, муҳтарам Эмомалӣ Раҳмон оинаест, ки дар он мавқеи миллати тоҷикро бо ҳама шаҳомат ва шуҳраташ сарфаҳм рафта, ба ин восита қадаме ба сӯи хештаншиносӣ ва худогоҳӣ ниҳода, бо диди ибрат дурнамои кишварро муайян карда метавонем. Асарҳои дар намоиш гузошташуда бозгӯи ҳамин фаъолияти пурмуҳтавову пурмаҳсули давлативу ҷамъиятии Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон буданд, ки устодону донишҷӯёни Донишкада аз онҳо дар намоиши китобӣ бо масъулияти баланд ширкат намуда, дидан намуданд.

Шуъбаи кор бо ВАО