Санаҳои 4-12 –уми декабр дар шаҳри Чунияи Лубнон Чемпионати Осиё оид ба муҳорибаи омехтаи соли 2025 баргузор гардид.

Дар чемпионати мазкур, аъзои дастаи мунтахаби Ҷумҳурии Тоҷикистон оид ба санъати муҳорибаи омехта, донишҷӯи соли якуми ихтисоси хизматрасонии автомобилии факултети сохтмон ва наклиёти Донишкадаи политехникии Донишгоҳи техникии Тоҷикистон ба номи академик Муҳаммад Осимӣ дар шаҳри Хуҷанд Одилҷон Сатторов иштироки фаъолона намуда, мақоми аввалро ба даст оварда, дар ин мусобиқаи бонуфуз соҳиби медали тилло гардид.

Одилҷон Сатторов, дар ин Чемпиогнати Осиё 3 ҳарифи худро аз кишварҳои Сурия, Ирок, ва Лубнон шикаст дода, сазовори ҷойи аввал гашт.

Бояд қайд намуд, ки дар Чемпионати Осиё дастаи Тоҷикистон дар ҳисоби умумии дастаӣ ҷои сеюмро ишғол кард ва 37 медал ба даст овард:

12 ТИЛЛО

18 НУҚРА

7 БИРИНҶӢ

Ҷомеаи донишҷӯёну устодони донишкада Одилҷон Сатторовро барои ба даст овардани медали тилло дар Чемпионати Осиё оид ба муҳорибаи омехтаи соли 2025 самимона табрику таҳният гуфта, барои иштироки минбаъдааш дар мусобиқаҳои сатҳи ҷаҳонӣ муваффақиятҳо таманно дорад.

Шуъбаи иттилоот ва кор бо ВАО