Рӯзҳои 12-13 майи соли 2022 дар Донишгоҳи миллии Қазоқистон ба номи Ал-Форобии шаҳри Алмаатои ҷумҳурии Қазоқистон нахустин Форуми байналмилалии ректорони кишварҳои Осиёи Марказӣ баргузор гардид, ки дар он вазирон ва ректорони донишгоҳҳои кишварҳои Осиёи Марказӣ, аз ҷумла роҳбарони донишгоҳҳои Тоҷикистон ширкат доштанд.
Дар форум аз муассисаҳои таҳсилоти олии Ҷумҳурии Тоҷикистонро роҳбарияти Донишгоҳи миллии Тоҷикистон, Донишгоҳи аграрии Тоҷикистон ба номи Шириншоҳ Шоҳтемур, Академияи идоракунии давлатии назди Президенти Ҷумҳурии Тоҷикистон, Донишгоҳи давлатии Хуҷанд ба номи академик Б.Ғафуров, Донишгоҳи давлатии ҳуқуқ, бизнес ва сиёсати Тоҷикистон, Донишгоҳи байналмилалии сайёҳӣ ва соҳибкории Тоҷикистон, Донишгоҳи давлатии тиббии Хатлон, Донишкадаи политехникии Донишгоҳи техникии Тоҷикистон ба номи академик М.С. Осимӣ дар шаҳри Хуҷанд ва филиали Донишгоҳи давлатии Маскав ба номи М.В. Ломоносов дар шахри Душанбе иштирок намуданд.
Дар доираи ҷаласаи Форум маърӯзаҳо ироа гардида, мавзуъҳои рузмаррраи таҳсилоти олӣ мавриди баррасӣ қарор дода шуданд. Дар ҷараёни Форум байни донишгоҳҳои гуногуни кишварҳои Осиёи Марказӣшартномаҳои ҳамкорӣ ба имзо расиданд.
Дар анҷоми Форум тавсияҳо оид ба таҳияи нақшаи кории Иттифоқи донишгоҳҳои кишварҳои Осиёи Марказӣ барои солҳои 2022-2023 қабул гардиданд.
